14 тамыз 2024
Осы мақаламен бөлісіңізҚазақстандық-америкалық биолог және NU профессоры Дос Сарбасов бастаған ғалымдар тобы университет зертханаларында жасалған қатерлі ісікке қарсы препараттың клиникалық зерттеулерін жалғастырып жатыр.
Қазақ онкология және радиология ғылыми-зерттеу институтымен бірлесіп, ғалымдар оның тиімділігін арттыру үшін препараттың қандай дозасын егу керегін анықтау жөнінде жұмыс істеп жатыр. Клиникалық зерттеулердің бірінші кезеңінде препарат 15 пациентке аз мөлшерде енгізілді. 1 шілдеде тестілеудің екінші кезеңі басталды, оған клиникаға дейінгі сынақтар да кіреді. Бұл туралы журналистерге университетте өткен арнайы брифингте National Laboratory Astana зертханасының бас директоры, NU профессоры Дос Сарбасов айтып берді.
«Біз қазірдің өзінде D-VC препаратының дозасын 0,65 грамға дейін ұлғайтуға рұқсат алдық. Қаржыландыруды күтіп отырмыз, алғанан кейін зерттеу жұмыстарын жалғастырамыз. 1 шілдеден бастап пациенттер D-VС-дің көбейтілген дозасын алуда. Біз сондай-ақ бірінші кезеңге оралудамыз – препараттың уыттылығын тексеріп жатырмыз. Осы жыл ішінде біз препараттың дозасы көбейтілген жағдайда уытты әсердің болмайтынын тексеруіміз керек”, — деді ғалым.
Препараттың әсер етуі таргетті химиялық терапияға негізделген. Препарат төмен концентрацияда С витаминінің D түрі (D-VC) мен мышьяктың (arsenic trioxide, ATO) көп дозасын біріктіру арқылы мутацияланған қатерлі ісік жасушаларын (KRAS-мутацияланған жасушалар) өздігінен жоюға итермелейді.
Соңғы 3 жыл ішінде топ зерттеу жұмыстарының сенімділігін дәлелдеп, 2022 жылы Қазақстан Республикасы Ғылым және жоғары білім министрлігінен клиникалық сынақтар үшін мақсатты қаржыландыру алды. Алғаш рет Алматы фармакологиялық зауытында С витаминінің D-формуласының шектеулі партиясы шығарылды. Ал екінші препарат – сынауға қажетті мышьяк оксиді Үндістаннан сатып алынды.
Препарат патенттелген. NU D-VC препаратың эксклюзивті лицензиясына ие.
