Nazarbayev University (NU) 2025 жылғы 24-25 қыркүйекте Әзірбайжанның Баку қаласында өтетін Times Higher Education (THE) Eurasia Universities саммитіне қатысады. Іс-шара Хейдар Әлиев орталығында ұйымдастырылып, Еуропа мен Азияның университет басшыларын, саясаткерлерді және зерттеушілерді біріктіреді. Қатысушылар трансұлттық зерттеулердің әлеуметтік-экономикалық ілгерілеуге қалай ықпал етіп, ғылыми ынтымақтастықты нығайта алатынын талқылайды.
НУ президенті, профессор Вакар Ахмад және Айда Сагинтаева, академиялық жоспарлау және бюджет жөніндегі вице-провост әрі Жоғары білім беру мектебінің деканы, Университет атынан жоғары деңгейдегі панельдік пікірталасқа қатысады. Олар Баку мемлекеттік университетінің ректоры Элчин Бабаевпен бірге «Еуразия университеттері зерттеулерді өңірлік дамудың қозғаушы күшіне қалай айналдыра алады?» тақырыбын талқылайды.
NU Орталық Азиядағы жетекші зерттеу университеті ретінде өз тәжірибесімен бөліседі. Университет ғылым мен білімді ұштастыру, жаһандық әріптестікті дамыту және батыл инновацияларды енгізу арқылы әлеуметтік-экономикалық өзгерістердің катализаторы бола алатынын көрсетеді. Бұл тәсіл Жаһандық Оңтүстіктің университеттері үшін бағыт-бағдар бола алады: білімді тұтынушыдан – жаһандық инновациялардың тең авторына айналу жолы.
Байланыс ақпараты: nu@nu.edu.kz
17 қыркүйек
Conferences
17 қыркүйек
Conferences